کراچی: گلشن حدید میں مسافر بس الٹ گئی، 4 مسافر جاں بحق، 25 زخمی
حادثہ سمندری بابا مزار کے قریب پیش آیا، مرنے والوں میں 2 خواتین اور 2 مرد شامل، لاشیں اور 8 زخمی جناح ہسپتال منتقل
کراچی کے علاقے گلشن حدید میں سمندری بابا مزار کے قریب مسافر بس الٹ گئی، حادثے میں 4 افراد جاں بحق اور 25 زخمی ہوگئے۔
ڈان نیوز کے مطابق ریسکیو حکام کا کہنا ہے کہ جاں بحق ہونے والوں میں 2 خواتین اور 2 مرد شامل ہیں، جاں بحق افراد کی شناخت 60 سالہ پنا زوجہ محمد علی، 35 سالہ کوثر، 59 سالہ عبدالغفور اور 25 سالہ غلام فرید کے ناموں سے ہوئی۔
حادثے میں جاں بحق افراد کی لاشوں اور 8 زخمیوں کو جناح ہسپتال منتقل کردیا گیا ہے۔