پاکستانی فضائی حدود کی بندش سے بھارتی ایئرلائنز کو 10 روز میں 225 کروڑ سے زائد کا نقصان
پاکستانی فضائی حدود کی بندش سے بھارتی ایئرلائنز کو 10 روز میں 225 کروڑ بھارتی روپے سے زائد کا نقصان اٹھانا پڑا ہے۔
ڈان نیوز نے ایوی ایشن کے حوالے سے بتایا ہے کہ بھارتی پروازوں کے لیے پاکستانی فضائی حدود کی بندش کو 11 روز ہوگئے ہیں، 10روز کے دوران 1ہزار 150بھارتی پروازیں متاثر ہوئیں۔
پاکستانی فضائی حدود کی بندش سے بھارتی ایئرلائنز کو 10 روز میں 225 کروڑ بھارتی روپے سے زائد کا نقصان اٹھانا پڑا ہے۔
فضائی حدود کی بندش سے ایئرانڈیا، اکاسا ایئر، اسپائس جیٹ،انڈی گوایئر، ایئر انڈیا ایکسپریس کی پروازیں متاثر ہوئیں۔
ایوی ایشن کے مطابق پاکستانی فضائی حدود کی بندش کےبعد بھارتی طیاروں کو بحیرہ عرب سےجانا پڑرہا ہے، جس سے روٹ طویل ہونے اور آپریشنل اخراجات بڑھنے سے بھارتی ایئرلائنز کو مالی نقصان ہورہاہے۔
ایوی ایشن کے مطابق پاکستان نےابتدائی طور پر 23 اپریل تا 23 مئی تک کی مدت کے لیے بھارتی طیاروں کیلئے اپنی فضائی حدود بند کی ہیں۔
واضح رہے کہ واضح رہے کہ بھارت نے مقبوضہ کشمیر کے مسلم اکثریتی علاقے پہلگام میں 22 اپریل کو 26 سیاحوں کی ہلاکت کے بعد 23 اپریل کو سندھ طاس معاہدہ معطل کرنے کا اعلان کیا تھا۔
جس کے جواب میں قومی سلامتی کمیٹی کے اجلاس میں بھارت سے تجارت اور واہگہ بارڈر کی بندش کرنے کا فیصلہ کیا، علاوہ ازیں بھارتی ایئرلائنز کے لیے پاکستانی فضائی حدود بھی بند کردی گئی تھی۔