عامر ڈوگر پر مبینہ پولیس تشدد کا معاملہ، 2 ایس ایچ اوز اور اے ایس آئی معطل
پاکستان تحریک انصاف ( پی ٹی آئی ) کے رکن قومی اسمبلی ملک عامر ڈوگر پر اڈیالہ جیل کے باہر مبینہ پولیس تشدد کے معاملے پر دو ایس ایچ اوز اور ایک اے ایس آئی کو معطل کردیا گیا۔
ڈان نیوز کے مطابق گذشتہ روز پی ٹی آئی کے رکن قومی اسمبلی ملک عامر ڈوگر پر اڈیالہ جیل کے قریب مبینہ طور پر تشدد کیا تھا۔
ملک عامر ڈوگر نے الزام عائد کیا تھا کہ پولیس نے ان کے کپڑے پھاڑ دیے اور ان پر تشدد کیا۔
اس معاملے کا نوٹس لیتے ہوئے ریجنل پولیس آفیسر ( آر پی او ) راولپنڈی کی ہدایت پر سٹی پولیس آفیسر ( سی پی او ) نے راولپنڈی پولیس کے دو ایس ایچ اوزاور ایک اے ایس آئی کو معطل کردیا۔
معطل ہونے والےافسران میں سب انسپکٹر طیب بیگ اور سلیم قریشی اور اے ایس آئی ماجد شامل ہیں، معطل پولیس افسران سے فوری طور پر عہدوں کا چارج بھی واپس لے لیا گیاہے۔
معطل پولیس افسران کو کلوز لائن کرکے ان کے خلاف انکوائری کا آغاز کردیا گیا ہے۔