فیصل مسجد کے قریب ڈرون گرنے کی اطلاع جھوٹی نکلی
اسلام آباد میں کوئی ڈرون نہیں گرا ہے، شہری افواہوں پر دھیان نہ دیں ، ڈپٹی کمشنر
ڈپٹی کمشنر اسلام آباد نے فیصل مسجد کے قریب ڈرون گرنے کی خبروں کی تردید کردی۔
ڈپٹی کمشنر اسلام آباد عرفان نواز میمن نے ’ ایکس ’ پر ایک پوسٹ میں لکھا،’فیصل مسجد کے قریب ڈرون گرنے کی اطلاعات کے فوراً بعد ضلعی انتظامیہ اور پولیس موقع پر پہنچ گئی، تاہم، یہ افواہ غلط ثابت ہوئی۔‘
ڈی سی اسلام آباد نے مزید کہا کہ اسلام آباد میں کوئی ڈرون نہیں گرا ہے، انہوں نے شہریوں سے اپیل کی کہ وہ افواہوں پر دھیان نہ دیں۔