ملک بھر میں سونے کی قیمت میں بڑی کمی
ملک میں آج سونے کی فی تولہ قیمت میں 5 ہزار روپے کی بڑی کمی ہوئی ہے جس کے بعد فی تولہ سونے کی قیمت 3 لاکھ 51 ہزار روپے ہوگئی ہے۔
ایسوسی ایٹڈ پریس آف پاکستان (اے پی پی) کے مطابق عالمی مارکیٹ میں فی اونس سونے کی قیمت 53 ڈالر کی کمی کے بعد 3 ہزار 290 ڈالر کی سطح پر آگئی جس سے مقامی صرافہ مارکیٹوں میں بھی سونے کی قیمتوں میں کمی ریکارڈ کی گئی ہے۔
آل پاکستان جیمز اینڈ جیولرز ایسوسی ایشن کے مطابق جمعہ کو سونے کی فی تولہ قیمت میں 5 ہزار روپے کی کمی کے بعد فی تولہ سونا 3 لاکھ 51 ہزار روپے کا ہوگیا ہے۔
اسی طرح، 24 قیراط سونے کے 10 گرام کی قیمت بھی 4 ہزار 287 روپے کم ہوئی ہے جس کے بعد اس کی قیمت 3 لاکھ 5 ہزار 212 روپے سے کم ہوکر 3 لاکھ 925 روپے ہوگئی ہے۔
10 گرام 22 قیراط سونے کی قیمت 2 لاکھ 79 ہزار 787 روپے سے کم ہوکر 2 لاکھ 75 ہزار 587 روپے ہوگئی ہے۔
آل سندھ صرافہ جیولرز ایسوسی ایشن نے رپورٹ کیا کہ فی تولہ چاندی کی قیمت 68 روپے کمی کے بعد 3 ہزار 782 اور 10 گرام چاندی کی قیمت 58 روپے کمی کے بعد 3 ہزار 242 روپے ہوگئی ہے۔