سونے کی قیمت میں سیکڑوں روپے کا اضافہ ہو گیا
24 قیراط فی تولہ سونے کی قیمت 800 روپے اضافے سے 3 لاکھ 50 ہزار 200 روپے ہو گئی، جیولرز ایسوسی ایشن
ملک بھر میں آج پھر سونے کی قیمتوں میں سیکڑوں روپے کا اضافہ ہو گیا۔
سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے بتایا کہ 24 قیراط فی تولہ سونے کی قیمت 800 روپے اضافے سے 3 لاکھ 50 ہزار 200 روپے ہو گئی۔
اسی طرح 24 قیراط 10 گرام سونا 686 روپے اضافے کے ساتھ 3 لاکھ 240 روپے میں فروخت ہوا، جبکہ 22 قیراط 10 گرام سونا 629 روپے مہنگا ہو کر 2 لاکھ 75 ہزار 230 روپے کا ہو گیا۔
ادھر، چاندی کی قیمتوں میں کوئی تبدیلی نہیں آئی اور فی تولہ چاندی 3 ہزار 782 روپے اور اور 10 گرام چاندی 3 ہزار 242 روپے پر برقرار رہی۔
ایسوسی ایشن کے مطابق عالمی مارکیٹ میں سونے کی قیمت 8 ڈالر اضافے سے 3 ہزار 282 ڈالر فی اونس ہو گئی۔