مسلسل چوتھے روز سونا سستا ہو گیا، فی تولہ قیمت کتنی ہوگئی؟
ملک بھر میں مسلسل چوتھے روز سونا سستا ہو گیا۔
سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط خالص سونے کی قیمت 100 روپے گر کر 3 لاکھ 56 ہزار 300 روپے ہو گئی۔
اسی طرح 24 قیراط 10 گرام سونا 85 روپے سستا ہو کر 3 لاکھ 5 ہزار 470 روپے کا ہو گیا جبکہ 22 قیراط 10 گرام سونا 2 لاکھ 80 ہزار 14 روپے میں فروخت ہوا۔
ادھر، چاندی کی فی تولہ اور 10 گرام قیمتیں 3,963 روپے اور 3,397 روپے پر برقرار رہیں۔
عالمی مارکیٹ میں سونے کی قیمت ایک ڈالر تنزلی سے 3 ہزار 336 ڈالر فی اونس ہو گئی۔
واضح رہے کہ 24 جولائی کو 24 قیراط سونے کی فی تولہ قیمت 5 ہزار 900 روپے تنزلی سے 3 لاکھ 59 ہزار روپے ریکارڈ کی گئی تھی۔
25 جولائی کو 24 قیراط کے حامل فی تولہ خالص سونے کی قیمت 2 ہزار 300 روپے کمی سے 3 لاکھ 56 ہزار 700 روپے ہو گئی تھی۔
اسی طرح 26 جولائی (ہفتہ) 24 قیراط فی تولہ خالص سونے کی قیمت 300 روپے کمی سے 3 لاکھ 56 ہزار 400 روپے ریکارڈ کی گئی تھی۔