سونے کی قیمتوں میں پھر بڑی کمی ہوگئی
24 قیراط فی تولہ خالص سونے کی قیمت 2 ہزار روپے تنزلی سے 3 لاکھ 53 ہزار روپے ریکارڈ کی گئی۔
ملک بھر میں آج پھر سونے کی قیمتوں میں 2 ہزار روپے کی بڑی کمی ہوگئی۔
سرکاری خبر رساں ادارے ’اے پی پی‘ آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط فی تولہ خالص سونے کی قیمت 2 ہزار روپے تنزلی سے 3 لاکھ 53 ہزار روپے ریکارڈ کی گئی۔
اسی طرح 24 قیراط 10 گرام سونا ایک ہزار 714 روپے تنزلی سے 3 لاکھ 2 ہزار 641 روپے میں فروخت ہوا جبکہ 22 قیراط 10 گرام سونے کی قیمت 2 لاکھ 77 ہزار 421 روپے ریکارڈ کی گئی۔
ادھر، فی تولہ چاندی کی قیمت 63 روپے اور 10 گرام کی قیمت 53 روپے کمی سے بالترتیب 3 ہزار 900 روپے اور 3 ہزار 344 روپے ہو گئی۔
بین الاقوامی مارکیٹ میں سونے کی قیمت 20 ڈالر کم ہو کر 3 ہزار 303 ڈالر فی اونس ہو گئی۔