فلسطینی عوام کیلئے 100 ٹن امدادی سامان روانہ
غزہ میں قحط سے چھوٹے چھوٹے بچے شہید ہورہے ہیں، اسرائیل خوراک کو بطور ہتھیار استعمال کررہا ہے، وزیرخارجہ اسحٰق ڈار
وفاقی حکومت کی جانب سے غذائی قلت کا شکار فلسطینیوں کے لیے 100 ٹن امدادی سامان روانہ کردیا گیا۔
ڈان نیوز کے مطابق نائب وزیراعظم و وزیرخارجہ اسحٰق ڈار اور چیئرمین نیشنل ڈیزاسٹر مینجمنٹ اتھارٹی ( این ڈی ایم اے ) نے امدادی سامان کی 17 ویں کھیپ روانہ کی۔
100 ٹن امدادی سامان میں خوراک، خشک دودھ، تیار کھانے اور طبی آلات شامل ہیں۔
اس موقع پر وزیرخارجہ اسحٰق ڈار نے کہا کہ غزہ میں قحط سے چھوٹے چھوٹے بچے شہید ہورہے ہیں، اسرائیل خوراک کو بطور ہتھیار استعمال کررہا ہے۔
انہوں نے کہا کہ مظلوم فلسطینوں تک اشیائے ضروریہ کی بغیررکاوٹ ترسیل چاہتےہیں، امدادی سامان کیلئے تعاون پر الخدمت فاؤنڈیشن کےشکرگزار ہیں۔