26 نومبر احتجاج کیس: راجا بشارت اور صنم جاوید کی عبوری ضمانتیں خارج
انسداد دہشت گردی عدالت راولپنڈی نے راجا کی 3 مقدمات میں میرٹ اور 3 مقدمات میں عدم پیروی پر ضمانت خارج کی، ملزمان کی حاضری سے استثنیٰ کی درخواستیں بھی مسترد
راولپنڈی کی انسداد دہشت گردی عدالت نے 26 نومبر کے احتجاج کے مقدمات میں پی ٹی آئی رہنماؤں راجہ بشارت اور صنم جاوید کی عبوری ضمانتیں خارج کر دیں۔
راولپنڈی کی انسداد دہشت گردی عدالت کے جج امجد علی شاہ نے 26 نومبر کے احتجاج کے مقدمے میں تحریک انصاف کے رہنما راجا بشارت اور صنم جاوید کی عبوری ضمانت کی درخواستوں پر سماعت کی۔
انسداد دہشت گردی عدالت نے راجہ بشارت کی 3 مقدمات میں ضمانتیں میرٹ پر جبکہ 3 مقدمات میں عدم پیروی پر مسترد کیں۔
صنم جاوید کی بھی 2 مقدمات میں درخواست ضمانت خارج کر دی گئی، عدالت نے دونوں ملزمان کی حاضری سے استثنیٰ اور میڈیکل رپورٹس بھی مسترد کر دیں۔
راجہ بشارت اور صنم جاوید نے یہ عبوری ضمانتیں اکتوبر اور نومبر کے درج مقدمات میں حاصل کر رکھی تھیں۔