سونے کی فی تولہ قیمت میں سیکڑوں روپے کی کمی ہو گئی
24 قیراط سونے کی قیمت ایک ہزار روپے کمی سے 3 لاکھ 57 ہزار 100 روپے ہوگئی، جیولرز ایسوسی ایشن
ملک بھر میں سونے کی فی تولہ قیمت میں آج بھی سیکڑوں روپے کی کمی ہو گئی۔
سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط سونے کی قیمت ایک ہزار روپے کمی سے 3 لاکھ 57 ہزار 100 روپے ہوگئی۔
اسی طرح 10 گرام 24 قیراط سونا 858 روپے سستا ہو کر 3 لاکھ 6 ہزار 155 روپے میں فروخت ہوا جبکہ 22 قیراط 10 گرام سونے کی قیمت 786 روپے تنزلی سے 2 لاکھ 80 ہزار 652 روپے ہو گئی۔
ادھر، چاندی کی فی تولہ اور 10 گرام قیمتیں 4 ہزار 72 روپے اور 3 ہزار 491 روپے پر مستحکم رہیں۔
ایسوسی ایشن کے مطابق عالمی مارکیٹ میں سونے کی قیمت 10 ڈالر کم ہو کر 3 ہزار 354 ڈالر فی اونس ہو گئی۔