معروف ٹک ٹاکر سعدالرحمٰن عرف ڈکی بھائی کو لاہور ایئرپورٹ سے حراست میں لے لیا گیا۔

ڈان نیو زکے مطابق ذرائع نے بتایا ہے کہ ٹک ٹاکر ڈکی بھائی کو سوشل میڈیا پر جوئے کی ترغیب دینے اور فحش مواد پھیلانے کے الزام میں حراست میں لیا گیا۔

ذرائع کے مطابق ڈکی بھائی کو دبئی جانے کے لیے لاہور ایئر پورٹ پہنچنے پر حراست میں لیا گیا۔

ٹک ٹاکر نے اپنے سوشل میڈیا اکاؤنٹس پر جوئے کی ایپلی کیشن سمیت فحش مواد اپ لوڈ کیا تھا، ڈکی بھائی کو نیشنل سائبر کرائم انویسٹی گیشن ایجنسی (این سی سی آئی اے) نے حراست میں لیا ہے۔

ڈکی بھائی کا 2 روزہ جسمانی ریمانڈ

مزید کے لیے کلک کریں

جوئے کی تشہیر کرنے کے مقدمے میں گرفتار یوٹیوبر ڈکی بھائی کو ڈیوٹی جج جوڈیشل مجسٹریٹ کی عدالت میں پیش کر دیا گیا۔

این سی سی آئی اے نے سعد الرحمٰن عرف ڈکی بھائی کو عدالت میں پیش کیا، عدالت نے یوٹیوبر ڈکی بھائی کا 2 روزہ جسمانی ریمانڈ منظور کرلیا، اور ملزم کو 19 اگست کو دوبارہ پیش کرنے کا حکم دے دیا۔

عدالت نے نیشنل سائبر کرائم ایجنسی سے آئندہ سماعت پر تفتیش سے متعلق رپورٹ طلب کرلی۔

ملزم ڈکی بھائی کی جانب سے زین علی قریشی ایڈووکیٹ پیش ہوئے۔

یاد رہے کہ اس سے قبل اپریل کے مہینے میں ڈکی بھائی کیخلاف دوران ڈرائیونگ خطرناک اسٹنٹ کرنے پر مقدمات درج کیے گئے تھے۔

لاہور ہائی کورٹ نے یوٹیوبر سعدالرحمٰن المعروف ڈکی بھائی کی خطرناک ڈرائیونگ اسسٹنٹ کیس میں ضمانت منظور کرتے ہوئے پولیس کو گرفتاری سے روک دیا تھا۔

ڈکی بھائی نے اپنے خلاف موٹروے پولیس کی جانب سے دو مقدمات دائر کیے جانے کے بعد لاہور ہائی کورٹ میں درخواست ضمانت دائر کی تھی۔

جسٹس شہباز رضوی نے یوٹیوبر کی درخواست پر سماعت کی تھی، ڈکی بھائی خود پیش ہوئے تھے۔

عدالت نے ان کی درخواست منظور کرتے ہوئے پولیس کو انہیں گرفتار کرنے سے روک دیا اور درخواست گزار کو حکم دیا کہ وہ آئندہ ماہ مئی میں اپنے خلاف ہونے والے ٹرائل میں عدالت میں پیش ہوں۔