مسلسل کمی کے بعد آج سونے کی قیمتوں میں کتنا اضافہ ہوا؟
ملک بھر میں 6 روز سے جاری کمی کے بعد آج سونے کی قیمتوں میں اضافہ دیکھا گیا۔
سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط کے حامل فی تولہ خالص سونے کی قیمت ایک ہزار 500 بڑھ کر 3 لاکھ 57 ہزار 700 روپے ہو گئی۔
اسی طرح 24 قیراط 10 گرام سونا 1,286 روپے مہنگا ہو کر 3 لاکھ 6 ہزار 670 روپے میں فروخت ہوا جبکہ 22 قیراط 10 گرام سونے کے دام ایک ہزار 179 روپے اضافے سے 2 لاکھ 81 ہزار 124 روپے ہو گئی۔
ادھر، فی تولہ اور 10 گرام چاندی کی قیمتیں 4 ہزار 31 روپے اور 3 ہزار 455 روپے پر برقرار رہیں۔
ایسوسی ایشن کے مطابق بین الاقوامی مارکیٹ میں سونے کی قیمت میں 15 ڈالر کا اضافہ ہوا اور یہ بڑھ کر 3 ہزار 335 ڈالر فی اونس ہوگئی۔
واضح رہے کہ 9 اگست کو 24 قیراط فی تولہ سونا 300 روپے سستا ہو کر 3 لاکھ 62 ہزار 400 روپے کا ہو گیا تھا۔
11 اگست بروز پیر کو سونے کی قیمت 3 لاکھ 62 ہزار 400 روپے سے کم ہو کر 3 لاکھ 58 ہزار 800 روپے میں فروخت ہوا تھا۔
12 اگست کو 24 قیراط سونے کی فی تولہ قیمت 500 روپے کی کمی سے 3 لاکھ 58 ہزار 300 روپے پر آگئی تھی۔
13 اگست کو 24 قیراط کے حامل خالص سونے کی فی تولہ قیمت 200 روپے تنزلی سے 3 لاکھ 58 ہزار 100 روپے ہو گئی تھی۔
15 اگست سونے کا بھاؤ ایک ہزار روپے کمی سے 3 لاکھ 57 ہزار 100 روپے ریکارڈ کیا گیا تھا۔
16 اگست (ہفتہ) کو فی تولہ سونا 900 روپے کمی سے 3 لاکھ 56 ہزار 200 سو روپے کا ہوگیا تھا۔