اسلام آباد، راولپنڈی اور خیبرپختونخوا کے مختلف شہروں میں زلزلے کے جھٹکے
چترال، سوات، ایبٹ آباد، چارسدہ، خان پور، ہری پور، بٹگرام اور دیگر شہروں میں بھی جھٹکے محسوس کیے گئے، زلزلےکی شدت 5.2 اور مرکز ہندوکش ریجن افغانستان میں 190کلومیٹر زیر زمین تھا، زلزلہ پیما مرکز
وفاقی دارالحکومت اسلام آباد اور راولپنڈی کے علاوہ پشاور، ایبٹ آباد سمیت خیبرپختونخوا کے مختلف شہروں میں زلزلے کے جھٹکے محسوس کیے گئے۔
ڈان نیوز کے مطابق زلزلے کے جھٹکے اسلام آباد، راولپنڈی، ایبٹ آباد، سوات، پشاور، چترال، چارسدہ، خان پور، ہری پور، بٹگرام اور دیگر شہروں میں بھی محسوس کیے گئے۔
زلزلہ پیما مرکز کے مطابق زلزلےکی شدت 5.2 ریکارڈ کی گئی جبکہ اس کا مرکز ہندوکش ریجن افغانستان میں 190 کلومیٹر زیر زمین تھا۔
زلزلے کے باعث کئی شہروں میں لوگ کلمہ طیبہ کا ورد کرتے ہوئے دفاتر اور گھروں سے باہر نکل آئے، فوری طور پر کسی جانی نقصان کی اطلاع موصول نہیں ہوئی۔