مسلسل کمی کے بعد سونے کی قیمت میں بڑا اضافہ
24 قیراط فی تولہ سونے کی قیمت 2 ہزار روپے اضافے سے 3 لاکھ 57 ہزا ر200 روپے ہو گئی، جیولرز ایسوسی ایشن
ملک بھر میں مسلسل کمی کے بعد آج سونے کی فی تولہ قیمت میں یکدم بڑا اضافہ ہو گیا۔
سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط فی تولہ سونے کی قیمت 2 ہزار روپے بڑے اضافے سے 3 لاکھ 57 ہزا ر200 روپے ہو گئی۔
24 قیراط 10 گرام سونا ایک ہزار 715 روپے مہنگا ہو کر 3 لاکھ 6 ہزار 241 روپے کا ہو گیا جبکہ 22 قیراط 10 گرام سونے کی قیمت ایک ہزار 573 روپے اضافے سے 2 لاکھ 80 ہزار 731 روپے ہو گئی۔
چاندی کی فی تولہ اور 10 گرام نرخ بالترتیب 78 روپے اور 67 روپے اضافے سے 4 ہزار 13 روپے اور 3 ہزار 440 روپے ریکارڈ کیے گئے۔
بین الاقوامی مارکیٹ میں سونے کی قیمت 20 ڈالر کم ہو کر 3 ہزار 325 ڈالر فی اونس ہو گئی۔