سونے کی قیمت میں پھر سیکڑوں روپے کی کمی، چاندی کی قیمت میں استحکام
ملک میں سونے کی قیمت میں ایک روز اضافے کے بعد پھر سیکڑوں روپے کی کمی ہوگئی۔
سرکاری خبر رساں ادارے ’اے پی پی‘ کے مطابق آل پاکستان صرافہ جیولرز ایسوسی ایشن نے بتایا کہ جمعہ کو 24 قیراط کے فی تولہ سونے کی قیمت میں 1500 روپے کی کمی ہوئی اور یہ 3 لاکھ 55 ہزار 700 روپے میں فروخت ہوا جبکہ گزشتہ روز یہ 3 لاکھ57 ہزار 200 روپے میں فروخت ہوا تھا۔
24 قیراط کے 10 گرام سونے کی قیمت میں بھی 1286 روپے کمی ہوئی اور یہ 3 لاکھ 4 ہزار 955 روپے سے کم ہوکر 3 لاکھ 6 ہزار 241 روپے ہوگئی جبکہ 22 قیراط کے 10 گرام کی قیمت 1179 روپے کمی کے بعد 2 لاکھ 79 ہزار 552 روپے سے کم ہوکر 2 لاکھ 80 ہزار 731 روپے ہوگئی۔
چاندی کی فی تولہ اور 10 گرام کی قیمتیں بالترتیب 4 ہزار 13 روپے اور 3 ہزار 440 روپے پر برقرار رہیں۔
ایسوسی ایشن نے بتایا کہ بین الاقوامی مارکیٹ میں سونے کی قیمت 15 ڈالر کمی کے بعد 3 ہزار 345 ڈالر سے کم ہوکر 3 ہزار 330 ڈالر ہوگئی جبکہ چاندی کی قیمت 37.80 ڈالر فی اونس پر برقرار رہی۔