مسلسل کمی کے بعد سونے کی قیمت میں یکدم بڑا اضافہ ریکارڈ
بین الاقوامی مارکیٹ میں سونے کی قیمت 41 ڈالر بڑھ کر 3 ہزار 371 ڈالر فی اونس ہو گئی، جیولرز ایسوسی ایشن
مسلسل کمی کے بعد سونے کی قیمتوں میں یکدم 4 ہزار 100 روپے فی تولے کا اضافہ ہو گیا۔
سرکاری خبر رساں ادارے ’اے پی پی‘ کے مطابق آل پاکستان صرافہ جیولرز ایسوسی ایشن نے رپورٹ کیا کہ 24 قیراط کے حامل فی تولہ خالص سونے کا بھاؤ 4 ہزار 100 روپے کے بڑے اضافے سے 3 لاکھ 59 ہزار 800 روپے ہو گیا۔
اسی طرح 24 قیراط 10 گرام سونے کی قیمت 3 ہزار 515 روپے بڑھ کر 3 لاکھ 8 ہزار 470 روپے ہو گئی جبکہ 22 قیراط 10 گرام سونا 3 ہزار 222 روپے مہنگا ہو کر 2 لاکھ 82 ہزار 774 روپے میں فروخت ہوا۔
ادھر، فی تولہ اور 10 گرام چاندی کی قیمتوں میں بالترتیب 108 روپے اور 93 روپے کا اضافہ ہوا، اور یہ بالترتیب 4 ہزار 121 روپے اور 3 ہزار 533 روپے پر فروخت ہوئیں۔
ایسوسی ایشن کے مطابق بین الاقوامی مارکیٹ میں سونے کی قیمت 41 ڈالر بڑھ کر 3 ہزار 371 ڈالر فی اونس ہو گئی۔