وہاڑی: سیلاب سے متاثرہ بستی میں 40 فٹ لمبا اژدھا نکل آیا
واقعہ بستی بڈھن شاہ میں پیش آیا، اژدھا گھر میں موجود مرغیوں کے دڑبے کی طرف جارہا تھا، گھر میں موجود شخص نے فائرنگ کرکے اژدھے کو مارا اور لاش پانی میں بہادی۔
وہاڑی میں سیلاب سے متاثرہ بستی بڈھن شاہ میں اژدھا نکل آیا، جسے شہری نے فائرنگ کرکے مار دیا۔
ڈان نیوز کے مطابق وہاڑی میں سیلاب سے متاثرہ بستی بڈھن شاہ میں 40 فٹ لمبا اژدھا پانی سے نکل آیا، جس کے باعث علاقے میں خوف و ہراس پھیل گیا۔
پانی سے نکلنے والا اژدھا ایک گھر میں واقع مرغیوں کے ڈربے کی طرف جارہا تھا کہ گھر میں موجود شخص نے فائرنگ کرکے اژدھے کو مار ڈالا اور اس کی لاش پانی میں بہادی۔