لکی مروت: پولیس موبائل پر خودکش حملہ، ایک اہلکار شہید، 5 زخمی
خودکش بمبار نے پولیس اسٹیشن تجوڑی کی موبائل کو نشانہ بنایا، دھماکے کے بعد بھاری نفری نے موقع پر پہنچ کر سرچ آپریشن شروع کردیا، پولیس
خیبرپختونخوا کے ضلع لکی مروت میں پولیس موبائل پر خودکش حملے میں ایک پولیس اہلکار شہید اور 5 زخمی ہوگئے۔
پولیس کے مطابق لکی مروت میں خودکش بمبار نے پولیس اسٹیشن تجوڑی کی موبائل کو نشانہ بنایا، خودکش دھماکے میں ایک پولیس اہلکار شہید جبکہ 5 زخمی ہوگئے۔
پولیس کے مطابق حملے کے فوری بعد پولیس کی بھاری نفری موقع پر پہنچ گئی اور علاقے میں سرچ آپریشن شروع کردیا۔