نئی دہلی: ہندوستان میں نئی دہلی کی عدالت نے طالبہ سے زیادتی کیس کی باقاعدہ سماعت شروع کر دی۔ دہلی پولیس کے مطابق 5 ملزمان کو عدالت میں پیش کیا گیا ہے۔

 دوران سماعت ملزمان پر فرد جرم عائد کی جائے گی۔ چھٹے ملزم کی عمر 18 سال سے کم ہے اس لئے اس کیخلاف مقدمہ ممکنہ طور پر بچوں کی عدالت میں چلایا جائے گا۔

 و اضح رہے کہ ملزمان نے چلتی بس میں طالبہ سے اجتماعی زیادتی کی تھی اور اسے تشدد کا نشانہ بھی بنایا تھا۔ متاثرہ لڑکی کئی روز تک زندگی اور موت کی کشمکش میں مبتلا رہنے کے بعد سنگاپور کے ہسپتال میں چل بسی تھی۔

 دہلی کے وکلاء نے ملزمان کی پیروی سے انکار کر دیا ہے۔ اب عدالت ان کیلئے سرکاری وکیل مقرر کرے گی اور جرم ثابت ہونے پر ملزمان کو سزائے موت بھی سنائی جا سکتی ہے۔