خیبرایجنسی: شدت پسندوں کا نیٹو کنٹینر پر حملہ، چھ زخمی
پشاور: پاکستان کے قبائلی علاقے خیبر ایجنسی میں نامعلوم افراد نے آج پیر کی صبح نیٹو کی سپلائی لے جانے والے ایک کنٹینر پر حملہ کردیا، جس کے نتیجے میں چھ افراد زخمی ہو گئے۔
نیٹو کنٹینر پر یہ حملہ پاک افغان ہائی وے پر کیا گیا، جس کی زد میں آکر دو گاڑیوں کو بھی نقصان پہنچا۔
سرکاری ذرائع کے مطابق شدت پسندوں نے نیٹو کنٹینر نمبر 311-ٹی ایل کے پر فائرنگ کی، جس کے نتیجے میں کنٹینر کا ڈرائیور طاہر شاہ اور اس کے ساتھی زخمی ہوگئے۔
حملے کے بعد خاصہ دار فورسز کے اہلکار موقع پر پہنچ گئے اور زخمی ہونے والوں کو قریبی ہسپتال منتقل کردیا گیا۔
حکام کے مطابق حملے میں دیگر دو گاڑیوں کو بھی نقصان پہنچا، جن میں سوار چار افراد زخمی ہوگئے۔
فورسز نے علاقے کو گھیرے میں لے کر تفتیش کا عمل شروع کردیا ہے۔
اس واقعہ کے بعد سیکیورٹی فورسز نے خیبر ایجنسی کی تحصیل جمرود میں سرچ آپریشن کرتے ہوئے تقریباً 12 مشتبہ افراد کو حراست میں لے لیا۔
لائیو ٹی وی