کراچی : پاکستان کے انٹرنیشنل کرکٹرلیفٹ آرم اسپنر رضا حسن کا ڈومیسٹک کرکٹ کے دوران لیا گیا ڈوپ ٹیسٹ مثبت آگیا جس کے بعد ان پر دو سال کرکٹ کھیلنے پر پابندی لگائے جانے کا امکان ہے۔

بائیس سالہ رضا حسن کا ڈوپ ٹیسٹ جنوری میں کراچی میں ہونیوالے پینٹینگولر ون ڈے ٹورنامنٹ کے دوران لیا گیا تھا۔

ڈوپ ٹیسٹ کی رپورٹ مثبت آنے کے بعد رضا حسن کو آگا ہ کردیا گیا ہے اور ان پر دو سال کرکٹ کھیلنے کی پابندی عائد کیے جانے کا امکان ہے۔

رضاحسن پاکستان کی جانب سے دس ٹی ٹوئنٹی اور ایک ون ڈے انٹرنیشنل کھیل چکے ہیں۔

رضا حسن نے دو ہزار بارہ میں سری لنکا میں ہونیوالے ورلڈٹی ٹوئنٹی میں بھی پاکستان کی نمائندگی کی تھی۔