'پاکستان کا ہر شہری یکساں حقوق کا مالک '
کراچی: وزیر اعظم نواز شریف نے کراچی کے دورے کے موقع 'دیوالی' کی تقریب میں شرکت کی۔
ہندو برادری کے مذہبی تہوار دیوالی کی تقریب سے خطاب میں وزیر اعظم کا کہنا تھا کہ پاکستان میں رہنے والا ہر شہری یکساں حقوق کا مالک ہے۔
نواز شریف نے مزید کہا کہ وزیر اعظم کی حیثیت سے میرا فرض ہے کہ ہر ایک کی مدد کروں، میں پاکستان میں رہنےوالے ہر شہری کا وزیراعظم ہوں۔
ہندو برادری سے خطاب میں ان کا کہنا تھا کہ قوم میں اتحاد اور اتفاق پیدا کرنا میرا مشن ہے، تمام مذاہب کے لوگ ہم آہنگی کو فروغ دیں، ظالم کے خلاف آپ کے ساتھ کھڑاہوں گا۔
یہ بھی پڑھیں : صدر کراچی: بین المذاہب ہم آہنگی کی عمدہ مثال
نواز شریف نے مزید کہا کہ دیوالی کی خوشیوں میں سب کو شریک کرنا چاہیئے، رب خوشیاں بانٹنےوالوں سے راضی ہوتا ہے، ہولی کے تہوار پر مجھ پر بھی رنگ پھینکا جائے تو خوشی ہوگی۔
کراچی کے ایک روزہ دورے میں دیوالی کی تقریب میں شرکت کے بعد وزیر اعظم نوازشریف ہیلی کاپٹر کے ذریعے مہران بیس روانہ ہوئے۔
خیال رہے کہ 1998 کی مردم شماری کے مطابق پاکستان میں 25 لاکھ ہندو آباد ہیں
لائیو ٹی وی
تبصرے (1) بند ہیں