علی گیلانی کے اغوا کے بعد الیکشن سے پہلے اور بعد میں پیپلز پارٹی کے رہنماؤں کی خاموشی اور بلاول کی دبئی جیسے محفوظ مقام پر بیٹھ کر وڈیوتقریر کی وجوہات اب آہستہ آہستہ سامنے آرہی ہیں۔ کہا جاتا ہے کہ آصف علی زرداری کو پیغام بھیجا گیا تھا کہ اگر بلاول نے پاکستان کے کسی شہر،گاؤں یا گلی میں جلسہ کیا تو اسے فوری طور پر مار دیا جائے گا۔ یہ بات جب لوگوں میں آئی تو مجھ جیسے بہت سے لوگوں نے اسے فضول بہانہ اور کھمبا نوچنے کے مترادف قرار دیا تھا لیکن علی گیلانی کے اغوا اور پھر موسیٰ اور عبدالقادر گیلانی کی جانب سے ان بیانات کے بعد کہ وہ الیکشن سے دستبردار ہونے کو تیار ہیں انہیں صرف اپنا بھائی چاہئیے، ہمیں ماننا پڑا کہ اندرون خانہ کچھ نہ کچھ ہو رہا ہے۔ کیا اس کھلی دھاندلی کے بعد کہ جب لوگوں کو اپنی جان کے لالے پڑے ہوئے ہوں،امیدوار بلیک میل ہو رہے ہوں اور یہاں تک کہ اغوا کیے جارہے ہوں ، کیا یہ الیکشن منصفانہ، آزادانہ اور شفاف کہے جاسکتے ہیں؟؟؟؟؟؟؟؟؟؟ یہ سب نہ بھی کیا جاتا تو پیپلز پارٹی کتنی نشستیں اور لے لیتی مگر جیسا کہ کہتے ہیں کہ طاقت کا گھمنڈ انسان( اوراداروں ) کو اندھا کردیتا ہے۔ انندھوں کو کانے راجا مبارک ہوں۔۔۔۔