رو دے جنیرو: فیفا ورلڈ کپ میں گروپ ایچ میں روس اور بیلجیم کے درمیان ہونے والے ایک اہم میچ کے دوران اسٹیڈیم میں پاکستانی پرچم دیکھا گیا۔

یہ پرچم اسٹیڈیم کے ویسٹ کارنر پر لگایا گیا تھا۔

فیفا ورلڈ کپ کے ایک میڈیا آفیسر نے اپنا نام ظاہر نہ کرنے کی شرط پر ڈان کو بتایا کہ اسٹیڈیم کے وی آئی پی کمرے میں پاکستانی موجود تھے اور یہ پرچم ایک پاکستانی کی جانب سے لگایا گیا تھا۔

انہوں نے کہا کہ وی آئی پی بکس میں پاکستان کی کوئی معزز شخصیت موجود تھی، لیکن انہوں نے اس شخصیت کے بارے میں کچھ نہیں بتایا۔

اس سلسلہ میں ڈان کے رپورٹر کی جانب سے اسٹڈیم کے اس سیکشن تک پہنچنے کی کوشش کی گئی، لیکن فیفا قوانین کے تحت صحافیوں کو میڈیا کے لیے مخصوص انکلوژر سے باہر جانے کی اجازت نہیں تھی۔