میسی نے ایک بار پھر خود کو منوالیا
فٹبال ورلڈ کپ میں نیمار اور میسی کا جادو سر چڑھ کر بول رہا ہے دونوں فٹبالرز اب تک چار چار گول کے ساتھ سرفہرست ہیں۔
برازیل میں جاری فٹبال ورلڈ کپ کا جادو ایک طرف سر چڑھ کر بول رہا ہے وہیں تین سپر سٹارز کے درمیان سخت مقابلے کی توقع کی جارہی تھی جن میں سے دو فٹبالر لیونل میسی اور نیمار کا ستارہ تو خوب چمک رہا ہے جس کے باعث ان کی ٹیمیں بھی با آسانی پری کوارٹر فائنل میں پہنچ گئیں۔
لیکن سال کے بہترین فٹبالر کا ایوارڈ جیتنے والے کرسٹیانو رونالڈو اب تک کوئی گول نہیں کرسکے اور پرتگال ورلڈ کپ سے باہر کے خطرے سے دو چار ہے۔
فٹبال ورلڈ کپ کے چودہویں روز کھیلے گئے میچز کے چند یادگار لمحات کا مختصر سلائیڈ شو۔