اسلام آباد: باجوڑ ایجنسی میں سڑک کنارے دھماکے کے نتیجے میں تین سیکورٹی اہلکار ہلاک ہوگئے۔

مقامی آفیشل سہیل خان نے اے ایف پی کو بتایا کہ یہ دھماکا ایجنسی کے علاقے ڈاماڈولہ میں ہوا جو کہ پشاور سے تقریبا 125 کلو میٹر دور واقع ہے۔

انہوں نے بتایا کہ فرنٹیئر کورپس (ایف سی) کے اہلکار معمول کی گشت سے واپس آرہے تھے کہ یہ واقعہ پیش آیا۔

ایک اور سینئر آفیشل عبدالحسیب خان نے بھی واقعے کی تصدیق کی ہے۔

تاحال کسی گروہ نے ذمہ داری قبول نہیں کی تاہم پاکستانی طالبان اور دیگر منسلک گروہ قبائلی علاقوں میں فورسز پر حملے کرتے رہتے ہیں۔

خیال رہے کہ یہ واقعہ ایک ایسے موقع پر سامنے آیا ہے جب منگل کے روز طالبان حملہ آوروں نے پشاور کے آرمی پبلک اسکول کو نشانہ بنایا جس کے نتیجے میں 132 بچوں سمیت 148 افراد جاں بحق ہوئے۔