کراچی: ہندوستان میں عزیزوں سے ملنے کے لیے جانے والا ملتان کا شہری گذشتہ سات ماہ سے جاسوسی کے الزام میں ہندوستان کی جیل میں قید ہے۔

ڈان نیوز کے مطابق ملتان کے علاقے شجاع آباد کا رہائشی سعید نو ماہ پہلے ماں کو اسکے بھائیوں سے ملوانے ہندوستان کے شہر مظفر نگر پہنچا اور شادی کی تقریب میں بھارتی پولیس نے اسے جاسوسی کا الزام لگا کر جیل میں ڈال دیا۔

نو بچوں کا باپ سعید گزشتہ سات ماہ سے ہندوستان کی جیل میں قید ہے جبکہ بھارت میں مقیم سعید کے عزیزوں کی جانب سے اسکی رہائی کے لیے کوششیں کی جارہی ہیں۔

سعید کی بوڑھی ماں بیٹے کے غم میں بینائی کھو چکی ہے۔

سعید کی والدہ نے حکومت پاکستان سے مطالبہ کیا ہے کہ اسکے بیٹے کی فوری رہائی کے لیے اقدامات کئے جائیں۔