☰
شاہ رخ جتوئی کے لئے جیل بھی آسائش کدہ
کراچی: شاہ زیب قتل کیس میں موت کی سزا پانے والے بااثر شخص شاہ رخ جتوئی کو مبینہ طور پر بھاری پیسوں کے عوض جیل میں تمام آسائشیں فراہم کردی گئی ہیں۔
ڈان نیوز کے نئے پروگرام "ایکسپوزڈ" میں ایک فوٹیج دکھائی گئی ہے جس میں دیکھا جا سکتا ہے کہ ڈیفنس میں ایک نوجوان شاہ زیب کو قتل کرنے والے سزائے موت کے منتظر قیدی شاہ رخ جتوئی کو جیل میں آرام کے لیے پلنگ، روم کولر، واٹر فین، لگژری صوفہ سیٹ، ایل ای ڈی ٹی وی، ڈبو، فٹبال گیم اور دیگر آسائشیں فراہم کی گئی ہیں۔