ماسکو: روس میں ہونے والی چاکلیٹ نمائش کے لیے ایک مقامی فنکار نے روسی صدر پیوٹن کا 'چاکلیٹ مجسمہ' بنایا۔

روسی اخبار ماسکو ٹائمز کے مطابق روس کے شہر سینٹ پیٹرس برگ میں چاکلیٹ سے بنی اشیا کی نمائش کی تیاریاں جاری تھیں تو ایسے میں ایک مقامی آرٹسٹ نے چاکلیٹ کے استعمال سے پیوٹن کا حقیقت سے قریب تر مجسمہ تیارکرنا شروع کیا۔

اس مجسمے کی تیاری میں 77کلو گرام چاکلیٹ استعمال کی گئی۔

روسی صدر کا چاکلیٹ سے تیار کیا گیا مجسمہ 5.5 فٹ اونچا ہے۔

رپورٹ کے مطابق امکان ہے کہ اس مجسمے کو گینز بک آف ورلڈ ریکارڈ میں بھی شامل کیا جا سکتا ہے ۔

خیال رہے کہ چاکلیٹ سے بنے مجسموں کی نمائش کا آغاز رواں ماہ 4 دسمبر سے کیا جائے گا جس میں ملکی اور بین الاقوامی آرٹسٹوں کے چاکلیٹی فن پارے رکھے جائیں گے۔