پنجاب کے علاقے ننکانہ صاحب میں ایک آئل ٹینکر اور کار کے درمیان تصادم کے نیتجے میں کم از چھ بچوں سمیت 12 افراد ہلاک ہو گئے۔

بدھ کو ننکانہ صاحب میں ایک تیزر رفتار کار ماناوالہ روڈ پر کھڑے ایک ایل پی جی ٹینکر سے کھڑا گئی، جس سے ٹینکر میں آگ بھڑک اٹھی۔

شدید آگ نے آس پاس متعدد گاڑیوں اور بچوں کو اسکول لے جانے والے ایک رکشے کو بھی اپنی لپیٹ میں لے لیا۔

آگ سے قریب موجود دکانوں اور گھروں کو بھی نقصان پہنچا۔ تصادم کی وجہ گاڑی کی دھند میں تیز رفتاری بتائی جاتی ہے۔