ساؤتھ ہمپٹن: پاکستان اور انگلینڈ 5 ون ڈے میچوں کی سیریز کے پہلے میچ میں بدھ کو روزباؤل اسٹیڈیم میں مد مقابل ہوں گی جہاں دونوں ٹیمیں درجہ بندی میں اپنی پوزیشن کو بہتربنانے کی کوشش کریں گی۔

پاکستان ٹیم کو ورلڈکپ 2019 تک براہ راست رسائی کے لیے آئی سی سی کی درجہ بندی میں سرفہرست 7 ٹیموں میں جگہ حاصل کرنی ہے۔

اظہرعلی کی قیادت میں پاکستان نے آئرلینڈ کو ایک ون ڈے میں شکست دی تھی تاہم دوسرا میچ بارش کی نذر ہوگیا تھا۔

پاکستان کو اس وقت ورلڈ کپ میں براہ راست رسائی کا چیلنج درپیش ہے اور اس سلسلے میں انگلینڈ کے خلاف سیریز کافی اہمیت کی حامل ہے کیونکہ پاکستان کو اس میں لازمی کامیابی درکار ہے تاہم گزشتہ ڈیڑھ سال سے بہترین کھیل کا مظاہرہ کرنے والی انگلینڈ کی ٹیم کو اس کی سرزمین پر ہرانا کسی چیلنج سے کم نہیں۔

قومی ٹیم اس وقت آئی سی سی کی درجہ بندی میں 9ویں نمبر پر موجود ہے۔