☰
یوسین بولٹ گائے کا گوشت کھا کر میڈلز جیتے،بی جے پی رہنما
نئی دہلی: ہندوستان میں اس وقت کئی لوگوں کی آنکھیں کھلی کی کھلی رہ گئیں جب حکمراں جماعت بھارتیہ جنتا پارٹی (پی جے پی) کے رکن پارلیمنٹ اور دَلت رہنما اُدت راج نے دنیا کے تیز ترین انسان یوسین بولٹ کے حوالے سے انوکھا بیان دیا۔
ٹائمز آف انڈیا کی رپورٹ کے مطابق شمال مغربی دہلی سے لوک سبھا (ایوان زیریں) کے رکن ادت راج نے سماجی رابطے کی ویب سائٹ ٹوئٹر پر ٹوئٹ کرتے ہوئے کہا کہ ’جمیکا سے تعلق رکھنے والے ایتھلیٹ یوسین بولٹ غربت کے باوجود 9 اولمپک میڈلز جیتنے میں اس لیے کامیاب ہوئے، کیونکہ ان کے ٹرینر نے انہیں دن میں دو بار گائے کا گوشت کھانے کا مشورہ دیا تھا۔‘