ابوظہبی: پاکستان نے عماد وسیم کی شاندار باؤلنگ کی مدد سے ویسٹ انڈیز کو سیریز کے آخری میچ میں 8 وکٹوں سے شکست دے کر 0-3 سے وائٹ واش کردیا۔

ویسٹ انڈیز نے پہلے بیٹنگ کرتے ہوئے مقررہ اوورز میں 5 وکٹوں کے نقصان پر 103 رنز بنائے، مارلن سیموئلز سب سے زیادہ رنز بنانے والے بلے باز تھے جنھوں نے آؤٹ ہوئے بغیر 42 رنزبنائے۔

پاکستان کی جانب سے عماد وسیم نے 3 وکٹیں حاصل کی اور سیریز میں شاندار کارکردگی کا مظاہرہ کرتے ہوئے 9 وکٹیں مکمل کیں، ایک وکٹ محمد نواز کو ملی۔

عماد وسیم کو میچ اور سیریز کا بہترین کھلاڑی قرار دیا گیا۔

پاکستان نے دبئی میں کھیلے گئے سیریز کے ابتدائی دونوں میچ جیت کر سیریز میں فیصلہ کن برتری حاصل کی تھی اور آخری میچ میں 8 وکٹوں سے فتح حاصل کرکے اپنی اولین وائٹ واش کامیابی سمیٹ لی۔