کولمبیا میں طیارہ تباہ ہونے کے سبب ہلاک ہونے والے برازیل کے فٹ بال کلب شپے کوئنز کے کھلاڑیوں اور بولیویا کے جہاز کے عملے کی آخری رسومات ادا کر دی گئیں۔

کھلاڑیوں کی آخری رسومات برازیل جبکہ طیارے کے عملے کی رسومات بولیویا میں ادا کی گئیں۔

برازیل کے فٹ بال کلب شپے کوئنز(Chapecoense) کے کھلاڑیوں اور جہاز کے عملے سمیت 81 افراد کو بولیویا سے کولمبیا لے جانے والا طیارہ حادثے کا شکار ہو گیا تھا۔

حادثے میں صرف چھ افراد بچنے میں کامیاب ہو سکے تھے اور 75 افراد جان کی باری ہار گئے تھے۔

فٹ بال کلب شپے کوئنز(Chapecoense) کے ٹیم اسٹیڈیم میں پروقار طریقے سے آخری رسومات ادا کی گئیں اور شپے کو میں شدید بارش کے باوجود ہزاروں کی تعداد نے تقریب میں شرکت کر کے کھلاڑیوں کو خراج عقیدت پیش کیا۔

فیفا کی ہدایت پر ہفتے کو ہونے والے تمام میچوں سے قبل ہلاک کھلاڑیوں کے سوگ میں ایک منٹ کی خاموشی اختیار کی گئی۔