☰
ساڑھے تین ہزار سال پرانی 8 ممیز دریافت
قاہرہ: دنیا کی قدیم ترین تہذیبوں میں سے ایک مصر میں آثار قدیمہ کے ماہرین نے کم سے کم 3500 سال پرانی 8 ممیز (حنوط شدہ لاشوں) سمیت ایک ہزار سے زائد مجسمے دریافت کرلیے۔
آرکیالوجی ماہرین کی جانب سے دریافت کی گئی ممیز کی تعداد بڑھنے کا امکان ہے، کیوں کہ تاریخی مقبرے سے نوادرات کی تلاش کا کام جاری ہے۔
ماہرین نے آغاز میں 6 ممیز دریافت کرنے کا دعویٰ کیا، مگر چند گھنٹوں بعد بتایا گیا کہ مزید 2 ممیز بھی دریافت کرلی گئیں۔
ماہرین کے مطابق مقبرے سے نوادرات کی تلاش کا کام ہفتوں تک جاری رہہ سکتا ہے، اور مزید ممیز بھی دریافت ہوسکتی ہیں۔