☰
کوہلی کی سنچری رائیگاں، بھارت کو پہلے ون ڈے میں شکست
نیوزی لینڈ نے ٹام لیتھ اور روس ٹیلر کی شاندار بیٹنگ کی بدولت بھارت کو پہلے ون ڈے میچ میں چھ وکٹ سے شکست دے کر سیریز میں 1-0 کی برتری حاصل کر لی۔
ممبئی کے وانکھیڈے اسٹیڈیم میں کھیلے گئے تین ون ڈے میچوں کی سیریز کے پہلے میچ میں بھارت کے کپتان ویرات کوہلی نے ٹاس جیت کر پہلے بیٹنگ کا فیصلہ کیا جو درست ثابت نہ ہوا۔
بھارتی ٹیم 29 رنز پر دونوں اوپنرز شیکھر دھاون اور روہت شرما سے محروم ہو گئی اور اس کے بعد بھی کپتان ویرات کوہلی کے سوا کوئی بھی کھلاڑی نیوزی لینڈ کے باؤلرز کا سامنا نہ کر سکا۔
ویرات کوہلی نے اپنے 200ویں ون ڈے میچ کو یادگار بناتے ہوئے شاندار کھیل پیش کیا اور کیریئر کی 31ویں سنچری اسکور کی اور دو چھکوں اور نو چوکوں کی مدد سے 121 رنز کی اننگز کھیلی۔