☰
یوٹیوب کڈز ایپ کے تین اہم فیچرز متعارف
والدین کو بچوں پر مزید کنٹرول فراہم کرنے کے لیے یوٹیوب کڈز ایپ نے اپنے تین نئے فیچرز کا اعلان کردیا ہے۔
بچوں کے فن کے لیے بنائی اس ایپ میں والدین کو بچوں کے لیے مواد کا انتخاب کرنے کے لیے یہ تین نئے فیچرز دیے جارہے ہیں، جن میں ’کلیکشنز‘، ’پیرنٹ اپرووڈ کنٹینٹ‘ اور ’سرچ آف‘ شامل ہیں۔
ایپ میں موجود کلیکشن فیچر سے والدین ان موضوعات اور چینلز کا انتخاب کرسکتے ہیں جو وہ اپنے بچوں کو دکھانا چاہتے ہیں۔
دوسرے فیچر پیرنٹ اپرووڈ کنٹینٹ میں والدین کو اس بات کا حق دیا جارہا ہے کہ وہ پہلے خود ہر ویڈیو کو اپنے بچوں کے لیے منتخب کرسکتے ہیں، جبکہ سرچ آف فیچر میں وہ اس بات کی یقین دہانی کرسکتے ہیں کہ ان کے بچے اس ایپ میں کیا کیا سرچ کریں۔