رام گوپال کی ‘سنجو’ سے قبل ہی سنجے دت کی بہن کی التجا
فلم ساز راج کمار ہیرانی کی جانب سے بولی وڈ بابا سنجے دت کی زندگی پر بنائی گئی فلم ‘سنجو’ کی شاندار کامیابی کے بعد بھارت کے معروف فلم ساز رام گوپال ورما نے بھی اداکار کی زندگی پر ایک اور فلم بنانے کا اعلان کیا ہے۔
رام گوپال ورما کے مطابق سنجے دت کی زندگی پر بنائی گئی راج کمار ہیرانی کی فلم ‘سنجو’ میں سنجے دت کی زندگی کا ایک رخ دکھایا گیا، اس فلم میں کئی حقائق کو پر بات ہی نہیں کی گئی۔
رام گوپال ورما جو اس سے قبل ’ستیاِ سرکار، کمپنی، شون، بھوت، جنگل اور اب تک چھپن جیسی کرائم تھرلر اور جرائم پیشہ افراد کے کالے دھندے کے موضوعات پر فلم بنا چکے ہیں، ان کا کہنا ہے کہ وہ ‘سنجو: دی ریئل اسٹوری’ کے نام سے فلم بنائیں گے۔
ممئبی مرر سے بات کرتے ہوئے رام گوپال نے بتایا کہ وہ اپنی فلم میں سنجے دت کی زندگی کے وہ واقعات دکھائیں گے، جنہیں راج کمار ہیرانی کی فلم میں نہیں دکھایا گیا۔