☰
ریچل ویکاجی کا ’پرواز ہے جنون‘ کے ساتھ اداکاری میں ڈیبیو
پاکستانی گلوکارہ ریچل ویکاجی بہت جلد فلم ’پرواز ہے جنون‘ کے ساتھ اداکاری میں بھی ڈیبیو کرنے جارہی ہیں۔
اس فلم میں وہ پاک فضائیہ کی کیڈیٹ کا کردار ادا کرتی نظر آئیں گی، جس کردار کے لیے وہ کافی پرجوش ہیں۔
ریچل ویکاجی کا ڈان سے بات کرتے ہوئے کہنا تھا کہ ’مجھے اداکاری پسند ہے، میں تھیٹر ڈرامے کر چکی ہوں، میں نے ان کی ہدایت کاری بھی کی ہے، لیکن میں نے کبھی فلم میں کام نہیں کیا، اس لیے میں نے سوچا کہ ایسا کرکے بھی دیکھنا چاہیے‘۔
ریچل کے مطابق جب انہیں فلم میں اجالا نامی کیڈیٹ کا کردار کرنے کا موقع ملا، تو انہوں نے فوری اسے قبول کرلیا، کیوں کہ لڑکیوں کہ لیے یہ ایک الگ سا کردار ہے۔