وہ خود بتاتی ہیں ۔ میرے والد مصور تھے تو بچپن سے ہی میرے ارگرد رنگ ہی رنگ نظر آتے تھے، جب میں 16 سال کی ہوئی تو فوٹوگرافی سے دلچسپی بڑھی، مگر بدقسمتی سے آئندہ کئی برس تک مجھے دیگر شعبوں میں کام کرنا پڑا تاکہ مناسب آمدنی کماسکوں، ان دنوں تعطیلات کے دوران مختلف جگہوں پر جانے کے بعد مجھے اپنے سیارے کے تنوع کو دریافت کرنے کا موقع ملا اور یہی وجہ ہے کہ 27 سال کی عمر میں رومانیہ میں اپنی عام زندگی کو چھوڑ کر اپنی تمام جمع پونجی سفر اور فوٹوگرافی پر لگادی، اس طرح اٹلس آف بیوٹی کا قیام عمل میں آیا'۔

ان کے بقول ' میرے خیال میں ہماری دنیا کو خوبصورتی کے نقشے کی ضرورت ہے تاکہ جان سکیں کہ دنیا کتنی پرتنوع ہے'۔

ان کا کہنا تھا 'مجھے توقع ہے کہ اس پراجیکٹ میں شامل تصاویر دنیا بھر میں موجود متعدد غلط تصورات کو چیلنج کرسکیں گی'۔

یہ فوٹوگرافر پانچ زبانوں میں مہارت رکھتی ہیں جو انہوں نے تصاویر لینے میں مدد دیتا ہے۔

ابھی بھی ان کا سفر جاری ہے اور 2017 میں ان کی ان تصاویر پر مبنی کتاب بھی شائع ہوچکی ہے۔

فوٹو گرافر پوری دنیا میں جاکر اس طرح کی تصاویر لینے کا ارادہ رکھتی ہیں مگر اس کے لیے انہیں کتنا وقت درکار ہوگا، اس بارے میں انہیں کوئی اندازہ نہیں۔

ہوسکتا ہے کہ مستقبل میں وہ پاکستان میں بھی آئیں تاہم ایسا کب تک ہوگا، اس بارے میں بھی کچھ کہنا مشکل ہے۔

یہاں ان کے کام کے دوران جمع کی جانے والی مزید تصاویر کو دوسرے حصے میں دیا جارہا ہے۔

جاپان

یہ تصویر جاپانی شہر کیوٹو میں لی گئی ہے اور یہ خاتون یوکا گیشا (جاپانی رقاصہ) کے طور پر کام کرتی ہیں، جو کہ بچپن میں کافی سخت ماحول میں رہتی تھیں مگر انہیں آزادی کی خواہش تھی۔

ایران

ایرانی دارالحکومت تہران سے تعلق رکھنے والی یہ خاتون ستارہ شاعری سے دلچسپی رکھتی ہیں اور فوٹوگرافر نے یہ تصویر ان کے گھر میں لی۔

تہران

فوٹوگرافر کے مطابق میڈیا میں ایران کے بارے میں بہت کچھ منفی لکھا جاتا ہے مگر سب سے اہم بات یہ ہے کہ کوئی بھی ملک اس کے شہریوں سے جانا جاتا ہے، تصویر میں دکھائی جانے والی خاتون بچپن سے وائلن بجانا سیکھ رہی ہیں اور اپنے پہلے کنسرٹ کی تیاری کررہی ہیں۔

مالدووا

مشرقی یورپی ملک مادووا کے شہر کیشیناو کی گلیوں میں اس تصویر کو لیا گیا۔

بنگلہ دیش

بنگلہ دیشی دارالحکومت کی گلیوں میں گھومتے ہوئے فوٹوگرافر کو ایک دن اپنے ارگرد کالج جانے والی طالبات خوبصورت ساڑھیوں میں ملبوس نظر آئیں جس کی وجہ کوئی خاص دن تھا، جن میں سے ایک کو انہوں نے کیمرے کی آنکھ میں محفوظ کرلیا۔

ڈھاکا

ڈھاکا ویسے تو کافی گنجان آباد اور ٹریفک کے شور سے گونجتا رہتا ہے مگر وہاں کے لوگوں کو فوٹوگرافر نے کافی مہمان نواز پایا، جن میں سے ایک تصویر میں موجود یہ خاتون بھی ہے۔

ڈھاکا

ڈھاکا میں خواتین کو رنگا رنگ ملبوسات پہننے کا کافی شوق ہے۔

ترکی

علیشاہ نامی اس خاتون کی فوٹوگرافر سے ملاقات استنبول میں ہوئی جو کہ ویسے تو انجنیئرنگ کی تعلیم حاصل کررہی ہیں مگر انہیں اداکارہ بننے کا شوق ہے۔

استنبول

ترک شہر استنبول میں سہ پہر کے وقت لی گئی ایک اور تصویر۔

تاجکستان

تاجکستان میں یہ تصویر 2015 میں لی گئی تھی اور ایک موقع پر تو فوٹوگرافر کو لگا کہ فرزانہ نامی یہ خاتون کسی ہولی وڈ اداکارہ ہیں۔

یونان

ویسے یہ تصویر کسی یونانی خاتون کی نہیں بلکہ ان کا تعلق عراق سے ہے جو کہ داعش کے زیرکنٹرول قصبے سے بھاگ کر یونان کے اس پناہ گزین کیمپ تک پہنچیں۔

ازمیر

ترک شہر ازمیر میں فوٹوگرافر کی اس خاتون سے ملاقات ہوئی جو کہ اسکول ٹیچر بننے کی خواہشمند ہیں۔

عراق

اس خاتون کے والدین کرد تھے اور صدام حسین کے دوران میں انگلینڈ چلے گئے تھے، تاہم ماسٹر ڈگری حاصل کرکے وہ ایک بار پھر عراق آگئی ہیں اور اب وہاں بائیولوجی کی تعلیم دے رہی ہیں۔

روس

روسی شہر سینٹ پیٹرزبرگ کی ایلیونورا بیلے ڈانسر کی تعلیم حاصل کررہی ہیں اور وہ اس شعبے میں خود کو منوانا چاہتی ہیں۔

نیپال

نیپال کا شہر پوکھرا اپنے قدرتی مناظر کی وجہ سے جانا جاتا ہے، جہاں کی اس جھیل پر ہر وقت لوگوں کا ہجوم رہتا ہے۔

کیوبا

کیوبا کے دارالحکومت ہوانا بھی اس فوٹوگرافر کی منزل رہا اور وہاں بھی انہوں نے کیمرے کی آنکھ میں کئی تصاویر کو محفوظ کیا۔

برازیل

اس خاتون نے اپنی عمر 47 سال بتاتے ہوئے دعویٰ کیا کہ جب وہ کسی کو اپنی عمر بتاتی ہیں تو بیشتر افراد کو یقین ہی نہیں آتا۔

ترکی

یہ خاتون Pinar ایک اداکارہ ہیں جن کی ملاقات فوٹوگرافر سے ازمیر کی گلیوں میں ہوئی۔

فلسطین

یہ تصویر بیت المقدس میں لی گئی جن میں سے ایک خاتون فلسطینی اور دوسری یہودی ہیں، مگر ان دونوں کو اپنی دوستی پر فخر ہے۔

اٹلی

اطالوی جزیرے ساردینیا اپنے روایتی ملبوسات اور تہواروں کی وجہ سے جانا جاتا ہے، جہاں لگ بھگ ہر قصبے اور گاﺅں کے ملبوسات کا ڈھنگ مختلف ہے اور اتنا تنوع بہت کم کسی ایک جگہ میں دیکھنے میں آتا ہے۔

اردن

اردن کے تاریخی شہر پیٹرا سے تعلق رکھنے والی اس بدو خاتون نے پہلی نظر میں فوٹوگرافر کی توجہ اپنی جانب مرکوز کرالی۔

یونان

یونان کے دوسرے بڑے شہر تھیسالونیکی میں اس تصویر کو لیا گیا۔

نیدرلینڈ

نیدرلینڈ کے شہر ایمسٹرڈیم کی رہائشی اس خاتون کے دادا اور والد ڈاکٹر تھے اور وہ خود بھی ڈاکٹر بننا چاہتی ہیں تاکہ لوگوں کی خدمت کرسکیں۔

جرمنی

جرمن شہر میونخ میں ایک تہوار کے موقع پر اس تصویر کو لیا گیا، یہاں 1810 سے لوگ اس تہوار میں مخصوص ملبوسات پہن کر شرکت کرتے ہیں۔

سوئٹزرلینڈ

پیٹریکا اور ربیکا دونوں بہنیں ہیں جو اپنے سرخ بالوں کی وجہ سے بچپن میں مذاق کا ہدف بنتی تھیں مگر زیورخ کی رہائشی ان بہنوں کا تعلق لوگوں کے مذاق کی وجہ سے زیادہ مضبوط ہوگیا۔

آذربائیجان

آذربائیجان کے دارالحکومت باکو میں فوٹوگرافر کو اس وقت مشکل کا سامنا ہوا جب بیشتر خواتین کے شوہروں نے تصویر بنانے کی اجازت دینے سے انکار کردیا، تاہم ایک خاتون اس کے لیے تیار ہوگئی کیونکہ وہ صنفی مساوات کے لیے جدوجہد کررہی ہے۔

پرتگال

اگرچہ یورپ کو انتہائی ماڈرن سمجھا جاتا ہے مگر وہاں ایسی برادریوں کی کمی نہیں جو کہ روایتی ملبوسات سے دوری اختیار کرنے کے لیے تیار نہیں، کم از کم تہواروں کے موقع پر وہ روایتی ملبوسات کو ہی ترجیح دیتے ہیں۔ ایسی ہی ایک خاتون کا تعلق شمالی پرتگال کے ایک قصبے سے تھا۔

افغانستان

یہ تصویر افغانستان کے ایک دور دراز مقام واخان میں لی گئی۔

دوشنبے

فوٹوگرافر کو تاجکستان کی خواتین بہت زیادہ پسند آئیں اور یہ تصویر بھی دوشنبے میں لی گئی۔

شمالی کوریا

شمالی کوریا ایسا ملک ہے جہاں بہت کم سیاحوں کو جانے کا موقع ملتا ہے، تاہم ماہیلا نوروک اپنے سفر کے دروان وہاں بھی گئیں اور وہاں خواتین کی زندگی کی ایک جھلک اس تصویر میں پیش کی۔

جنوبی کوریا

فوٹوگرافر نے پہلی بار جنوبی کورین دارالحکومت میں اس تصویر کو کیمرے کی آنکھ میں محفوظ کیا۔

چین

چین کے دارالحکومت بیجنگ سے تعلق رکھنے والی ایک خاتون۔

میانمار

میانمار کے شہر ینگون میں یہ تصویر فوٹوگرافر نے دنیا کے لیے اپنے پہلے سفر میں لی۔

کرغزستان

کرغزستان کی یہ خاتون میٹھی سوغات گلی کوچوں میں فروخت کرتی ہیں۔

رومانیہ

یہ تصویر فوٹوگرافر نے اپنے آبائی شہر بخارسٹ میں کھینچی۔

ایکواڈور

جنوبی امریکا کے اس ملک میں فوٹوگرافر کو یہ تصویر لینے کا موقع اس خاتون کے گھر میں ملا۔

نیوزی لینڈ

نیوزی لینڈ کے شہر Maori میں لی گئی ایک تصویر۔

بھارت

بھارت میں ٹرینوں کو بہت اہمیت حاصل ہے اور یہ تصویر جودھ پور اسٹیشن پر لی گئی۔

امریکا

لیڈیا نامی یہ خاتون میوزیشین ہے اور ان کا تعلق نیویارک سے ہے۔

تہران

فرناز نامی یہ خاتون 2 مختلف دنیاﺅں کی رہائشی ہیں، پیشے کے لحاظ سے وہ ماہر معیشت ہیں مگر اس کے ساتھ ساتھ اپنے شوق کے لحاظ سے ایک آرٹسٹ بھی ہیں۔