کراچی کے علاقے کلفٹن میں قائم چینی قونصل خانے میں 3 مسلح حملہ آوروں نے داخل ہونے کی کوشش کی لیکن سیکیورٹی اہلکاروں نے اس کوشش کو ناکام بنا دیا۔

چینی قونصل خانے پر آج صبح دہشت گردوں نے 9 بج کر 30 منٹ پر حملہ کیا، جس کے نتیجے میں 2 پولیس اہلکار شہید ہوگئے۔

اس واقع میں 2 نامعلوم افراد جاں بحق اور ایک سیکیورٹی گارڈ بھی زخمی ہوگیا جبکہ پولیس کی جوابی کارروائی میں تینوں حملہ آور مارے گئے۔

رپورٹس کے مطابق چینی قونصل خانے کے قریب حملہ آوروں نے سیکیورٹی گارڈز پر فائرنگ کی تھی اور عمارت میں داخل ہونے کی کوشش کی، جس کے بعد پولیس اور رینجرز کی بھاری نفری طلب کی گئی تھی۔