اگر بیوی اپنے شوہر سے گھر سے باہر جاتے ہوئے کسی چیز کی فرمائش کرے اور وہ واپسی میں اسے بھول جائے تو خاتون کا ردعمل کیا ہوگا؟

یقیناً تھوڑی بہت بحث اور پھر معاملہ ٹھنڈا پڑ جائے گا۔

خلیج ٹائمز کی ایک رپورٹ کے مطابق ابوظبہی کی رہائشی خاتون نے اس وقت خلع کی درخواست دائر کردی جب شوہر رات کو گھر واپسی پر کھانا لانا بھول گیا۔

بیس سے تیس سال کے درمیان کی یہ خاتون اس وقت گھر پر تھی جب اس کا شوہر اپنے چند دوستوں کے ساتھ صحرا کی سیر کو گیا۔

خاتون نے شوہر سے فرمائش کی تھی کہ وہ واپسی پر رات کے کھانے کے لیے برگر لیتا آئے۔

شوہر دوستوں کے ساتھ رات گئے تک گھومتا رہا اور واپسی میں فاسٹ فوڈ ریسٹورنٹ سے برگر لے کر جانا بھول گیا۔

جب وہ رات کو 3 بجے بغیر برگر کے گھر پہنچا تو جوڑے درمیان شدید لڑائی ہوئی اور حالات یہاں تک پہنچ گئے کہ بیوی گھر چھوڑ کر چلی گئی۔

مقامی وکیل کے مطابق شادی شدہ جوڑوں کو شادی کے حوالے سے حقیقت پسندانہ توقعات کی تعلیم دیئے جانے کی ضرورت ہے۔

وکیل کا کہنا تھا کہ حقیقت پسند ہونے سے لوگ ازدواجی جھگڑے سلجھانے کے لیے عدالت کا رخ نہیں کریں گے۔

انہوں نے مزید کہا کہ ایسے قوانین ہونے چاہئے جب کسی کو کوئی نقصان نہ پہنچا ہو تو جوڑوں کو ایسے جج کے پاس بھیجا جائے تو ان کے مسائل حل کرنے میں مدد کرے، اگر بیوی پھر بھی خلع کے لیے اصرار کرے تو شادی کے بعد دیئے جانے والا جہیز واپس لیا جائے گا۔