☰
پی ایس ایل کے فائنل میں شوبز و اسپورٹس اسٹارز کے جلوے
پاکستان سپر لیگ (پی ایس ایل) کے چوتھے سیزن کے فائنل میں کوئٹہ گلیڈی ایٹرز نے پشاور زلمی کو شکست دے کر پہلی بار چیمپئن بننے کا اعزاز اپنے نام کیا۔
جہاں پی ایس ایل کے فائنل کو دیکھنے کے لیے ہزاروں افراد نے نیشنل اسٹیڈیم کا رخ کیا اور لاکھوں افراد نے میچ کے مناظر براہ راست ٹی وی اسکرینز پر دیکھے۔
وہیں شوبز و اسپورٹس شخصیات کا جوش بھی پی ایس ایل کےفائنل میں دیکھنے کے قابل تھا۔
پی ایس ایل کی افتتاحی تقریب میں جہاں آئمہ بیگ اور شجاع حیدر نے پاپ گلوکارہ نازیہ حسن کو ان کے ہی گانے ’ڈسکو دیوانے‘ گاکر خراج تحسین پیش کیا۔
وہیں دیگر گلوکاروں نے بھی شاندار پرفارمنس کی۔
جہاں گلوکاروں کی شاندار پرفارمنس نے کرکٹ مداحوں کا جوش بڑھایا، وہیں نیشنل اسٹیڈیم میں شوبز، اسپورٹس، سیاسی و عسکری شخصیات کی موجودگی نے بھی شائقین کا جذبہ بڑھانے میں کردار ادا کیا۔