نیدرلینڈ نیشنل انسٹیٹوٹ فار پبلک ہیلتھ کی تحقیق میں دریافت کیا گیا کہ جو لوگ روزانہ اورنج جوس پیتے ہیں، ان میں فالج کا خطرہ 24 فیصد تک کم ہوجاتا ہے۔

یہ مزیدار جوس پینے کی عادت خون کی شریانوں کے امراض کا خطرہ بھی 12 سے 13 فیصد تک کم کردیتی ہے۔

پھلوں کے تازہ رس کا استعمال صحت بخش قرار دیا جاتا ہے مگر کمپنی کے تیار کردہ جوسز میں چینی کی زیادہ مقدار انہیں نقصان دہ بھی بنادیتی ہے۔

محققین کا کہنا تھا کہ ہم نے دریافت کیا کہ خالص مالٹے کا جوس پینا فالج سے تحفظ میں مددگار ثابت ہوتا ہے، یعنی چینی ملانے سے گریز کریں۔

مگر ان کا یہ بھی کہنا تھا کہ صرف اورنج جوس ہی نہیں دیگر پھلوں کے عرق بھی اس خطرے کو کم کرتے ہیں۔

اس تحقیق کے دوران 20 سے 70 سال کی عمر کے 35 ہزار کے قریب مردوں و خواتین کی غذائی عادات کا جائزہ لیا گیا۔

طبی ٹیم نے دریافت کیا کہ جوس پینے کے ساتھ ساتھ پھلوں کو کھانا بھی صحت کے لیے فائدہ مند ہوتے ہیں۔

اس تحقیق کے نتائج طبی جریدے برٹش جرنل آف نیوٹریشن میں شائع ہوئے۔