گوگل اسٹور میں ایک نیا ٹیزر سامنے آیا ہے جس میں بتایا گیا کہ پکسل یونیورس میں کچھ بڑا آنے والا ہے اور یہ ممکنہ طور پر پکسل 3 اے اور پکسل 3 ایکس ایل فونز ہوسکتے ہیں جو اس کمپنی کی جانب سے 7 مئی کو سالانہ آئی او کانفرنس کے دوران متعارف کرائے جائیں گے۔
ان فونز کے بارے میں گزشتہ چند ماہ سے مختلف لیکس سامنے آئیں، یہاں تک کہ گوگل کی اپنی ویب سائٹ پر بھی تفصیلات دے دی گئیں۔
ان لیکس کے مطابق گوگل اپنے فلیگ شپ پکسل تھری اور تھری ایکس ایل کے مقابلے میں سستے فونز متعارف کراسکتا ہے۔
گوگل پکسل 3 اے سیریز کی کیمرا کارکردگی فلیگ شپ فونز جیسی ہی ہوگی مگر پراسیسر، اسکرین ریزولوشن اور دیگر فیچرز کمتر ہوں گے۔
یہ دونوں فونز ممکنہ طور پر 5.6 انچ اور 6.0 انچ ڈسپلے کے ساتھ ہوں گے۔
