صنم بلوچ کا رمضان نشریات میں پروگرام نہ کرنے کا اعلان
اداکارہ و میزبان صنم بلوچ نے اعلان کیا ہے کہ وہ اس سال رمضان المبارک میں کسی بھی ٹی وی چینل کی نشریات کا حصہ نہیں بنیں گی۔
صنم بلوچ کے مطابق وہ اس بار رمضان المبارک میں کوئی شو نہیں کر رہی۔
اس سے قبل صنم بلوچ مختلف ٹی وی چینلز پر رمضان نشریات میں سحر و افطار کے پروگرامات کر چکی ہیں، علاوہ ازیں وہ مارننگ شوز کرتی رہی ہیں۔
صنم بلوچ نے انسٹاگرام پر مداحوں کو آگاہ کیا کہ وہ رواں برس رمضان نشریات کے دوران کوئی شو نہیں کر رہیں۔
اداکارہ نے بتایا کہ انہوں نے مارننگ شو کرنے کے بعد رواں برس آرام کرنے کو ترجیح دی، اس لیے وہ اس بار رمضان نشریات میں نظر نہیں آئیں گی۔
ساتھ ہی صنم بلوچ نے بتایا کہ کچھ چینلز اور ایجنسیاں ان کے حوالے سے جھوٹے دعوے کر رہی ہیں کہ کہ وہ رمضان نشریات میں شو کرتی دکھائی دیں گی۔
میزبان و اداکارہ نے ان دعووں کو جھوٹا قرار دیا۔
اداکارہ کا کہنا تھا کہ اگر ایسی کوئی بات ہوتی اور وہ کوئی رمضان شو کر رہی ہوتیں تو اس حوالے سے سب سے پہلے وہ خود مداحوں کو مطلع کرتیں۔