☰
صدر مملکت نے چینی نائب صدر کو نشان پاکستان عطا کردیا
چینی نائب صدر وانگ کی شن کو پاکستان کا سب سے اعلیٰ سول ایوارڈ نشان پاکستان عطا کردیا گیا۔
نشان پاکستان کی تقریب ایوان صدر میں منعقد ہوئی جہاں تقریب کا آغاز قومی ترانے،تلاوت کلام پاک سے کیا گیا۔
صدر مملکت نے بعد ازاں پاک چین تعلقات کے فروغ کے لیے چینی نائب صدر کو نشان پاکستان کا اعزاز عطا کیا۔
مزید پڑھیں: چین کے 3 شہر پاکستان کے کراچی، گوادر اور ملتان کے جڑواں شہر قرار
اس موقع پر چیئرمین سینیٹ،وفاقی وزراء،مسلح افواج کے اعلیٰ افسران،اراکین قومی اسمبلی،چینی وفد کے اراکین بھی موجود تھے۔
قبل ازیں چین کے نائب صدر وانگ چی شان پاکستان کے 3 روزہ سرکاری دورے پر اسلام آباد پہنچے تھے۔
ریڈیو پاکستان کی رپورٹ کے مطابق وزیر خارجہ شاہ محمود قریشی اور وزیر منصوبہ بندی، ترقی و اصلاحات خسرو بختیار نے نور خان ایئربیس پر ان کی آمد پر استقبال کیا۔