امریکا: آوارہ بلیوں کو خوراک دینے پر 79 سالہ خاتون کو 10 دن قید
امریکی ریاست اوہایو میں عدالت نے آوارہ بلیوں کو خوراک دینے پر 79 سالہ خاتون کو 10 دن قید کی سزا سنادی۔
برطانوی نشریاتی ادارے بی بی سی میں شائع رپورٹ کے مطابق نینسی سیگیولو کی سزا 11 اگست سے شروع ہوگی۔
یہ بھی پڑھیں: ویت نام: ہزاروں بلیاں قصائیوں سے بچ گئیں
پولیس کے مطابق معمرخاتون کی پڑوسن نے مقامی انتظامیہ کو شکایت کی کہ ان کے گھر پر آوارہ بلیوں کی وجہ سے گھر کا ماحول خراب ہورہا ہے۔
جس پر پولیس نے 2015 میں نینسی سیگیولو کو نوٹس ارسال کیا۔
واضح رہے کہ امریکا میں سٹی آرڈیننس کے تحت آوارہ جانوروں کو خوراک دینا قابل سزا جرم ہے۔
بعدازاں مئی2017 میں 79 سالہ خاتون پر آوارہ بلیوں کو اپنی رہائش گاہ پر خوارک دینے کے مزید الزامات لگے۔
مزیدپڑھیں: 17سال سے کراچی کی بلیوں کی ’میزبان‘ خاتون
پولیس کا کہنا تھا کہ نینسی سیگیولو آوارہ بلیوں کی گندھی صاف میں ناکام رہی۔
گزشتہ ہفتے نیسی سیگیولو نے عدالت میں اعتراف کیا کہ وہ عدالتی فیصلے برخلاف آوارہ بلیوں کو خوارک دیتی رہی۔
ان کے اعتراف پر عدالت نے توہین عدالت کے جرم میں معمر خاتون کو 10 دن قید کی سزا سنادی۔
عدالتی فیصلے بعد انہوں نے بتایا کہ ’میرے پاس بھی پالتو بلیاں تھی جو مرچکی ہیں اور میرے شوہر بھی زندہ نہیں رہے، میں تنہا ہوں ایسے میں بلیاں اور ان کے بچوں سے میرا دل لگا رہتا ہے‘۔
ان کا کہنا تھا کہ 8 سے 10 بلیاں ان کے گھر کا چکر لگاتی رہتی ہیں اور مجھے بہت ترس آتا ہے اس لیے انہیں کھانے کو کچھ دیے دیتی ہوں۔
مزیدپڑھیں: بھارت: پالتو کتے سے معافی نہ مانگنے پر نوجوان قتل
انہوں نے بتایا کہ وہ پہلے ہی جرمانے کی مد میں 2 ہزار ڈالر جمع کراچکی ہیں، جو کچھ میں نے کیا اس کی اتنی سزا نہیں بنتی جبکہ بہت سارے لوگ انتہائی برے کام کررہے ہیں