☰
’تیور‘ دکھانے کا صحیح وقت یہی ہے
پاکستانی سینما کے اس بدلے ہوئے منظرنامے کی سب سے خوش آئند بات یہ ہے کہ ان موضوعات پر بھی فلمیں بنائی جانے لگی ہیں جو 10 یا 15 سال پہلے بنانے کا تصور ہی نہیں تھا۔
فارمولا فلموں کے ساتھ ساتھ سنجیدہ نوعیت کی ہارڈ کور فلموں کی پاکستانی سینما پر جگہ نہیں تھی مگر اب ایسا نہیں ہے۔ زیرِ تبصرہ فلم ’تیور‘ بھی انہی فلموں میں سے ایک ہے جو اس تاثر کو شکست دینے میں کامیاب ہوگئی ہے کہ کم بجٹ میں اچھی فلم نہیں بنائی جاسکتی۔
ابو علیحہ کا نام پڑھنے والوں کے لیے اجنبی نہیں کیونکہ ’کتاکشا‘ کے ذریعے وہ بطور فلمساز، مصنف و ہدایتکار فلم کے شعبے میں قدم رکھ چکے ہیں۔
ویسے تو ’تیور‘ ان کی پہلی فلم تھی جو ’عارفہ‘ کے نام سے بن رہی تھی مگر پھر ایک تنازعہ کی وجہ سے اس فلم کی ریلیز کو روک دیا گیا تھا، مگر اب وہ بالآخر ریلیز ہوگئی ہے۔